რამდენიმეკვირიანი მოლაპარაკებები საბოლოო შეთანხმებით დასრულდა, აიუბ ბუადი ლილიდან კარიერას მანჩესტერ სიტიში გააგრძელებს! ახალგაზრდა მაროკოელ ფეხბურთელს ახალ კლუბში უკვე ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს.
მანჩესტერ სიტი ბუადის სანაცვლოდ დაახლოებით €100 მილიონს გადაიხდის, თავად მაროკოელი კი "ქალაქელებთან" გრძელვადიან კონტრაქტს გააფორმებს.
პოზიციით ცენტრალური ნახევარმცველი ლილის აკადემიის აღზრდილია. ბუადი პირველ გუნდში 2023 წელს მოხვდა, ამ დროში კი ახალგაზდა ფეხბურთელმა 96 მატჩის ჩატარება მოასწრო, თავი კი 4 საგოლე გადაცემით გამოიჩინა.
18 წლის ფეხბურთელი მაროკოს ეროვნული ნაკრების წევრია და 2026 წლის მუნდიალზეც საკმაოდ კარგად იასპარეზა.
