ტრანსფერი დაიხურა, ქერიმ ალაიბეგოვიჩი ლევერკუზენიდან კარიერას იუვენტუსში გააგრძელებს! ახალგაზრდა ბოსნიელ ფეხბურთელს ტურინში უკვე ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს.
"ბიანკონერი" 18 წლის ტალანტის სანაცვლოდ დაახლოებით €35 მილიონს გადაიხდის. ალაიბეგოვიჩი ტურინულ გრანდთან 5-წლიან კონტრაქტს გააფორმებს.
იმის მიუხედავად, რომ ალაიბეგოვიჩის დამატებას ჩელსი, ატალანტა და კიდევ რამდენიმე ევროპული კლუბი ცდილობდა, ყველას მაინც იუვენტუსმა აჯობა, რომელმაც ფეხბურთელს დიდი სათამაშო დრო შეჰპირდა.
შეგახსენებთ, იუვენტუსმა რამდენიმე საათის წინ რანდალ კოლო მუანის ტრანსფერიც დახურა, თუმცა ტურინელები ამაზე გაჩერებას არ აპირებენ.
