ტრანსფერი დაიხურა — ისმაელ საიბარი პსვ-დან კარიერას ბაიერნში გააგრძელებს! მხარეებს შორის ყველაფერი შეთანხმებულია, "რეკორდმაისტერი“ 25 წლის ფეხბურთელის სანაცვლოდ დაახლოებით €55 მილიონს გადაიხდის, თავად საიბარი კი მიუნხენურ კლუბთან 5-წლიან კონტრაქტს გააფორმებს.
მას შემდეგ, რაც ნიკოლას ჯექსონმა ბაიერნი დატოვა, ვენსან კომპანიმ ახალი შემტევის დამატება მოითხოვა. საიბარის გარდა, სიაში სხვა ფეხბურთელებიც იყვნენ, თუმცა გერმანულმა კლუბმა არჩევანი საბოლოოდ მაინც მაროკოელ მოთამაშეზე შეაჩერა.
საიბარი პსვ-ის ღირსებას 2022 წლიდან იცავდა. ამ პერიოდში მაროკოელმა ფეხბურთელმა 142 მატჩი ჩაატარა, 42 გოლი გაიტანა და 29 საგოლე გადაცემაც მიითვალა. თუ ბოლო მომენტში რაიმე გაუთვალისწინებელი არ მოხდა, ბაიერნი საიბარის ტრანსფერს უახლოეს დღეებში ოფიციალურად დაადასტურებს.
