რამდენიმეკვირიანი მოლაპარაკებები საბოლოო შეთანხმებით დასრულდა, ეზრი კონსა ასტონ ვილადან კარიერას არსენალში გააგრძელებს! მხარეებს შორის ყველაფერი შეთანხმებულია, 28 წლის ინგლისელ მცველს ახალ კლუბში უკვე ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს.
არსენალი გამოცდილი ფეხბურთელის სანაცვლოდ დაახლოებით £50 მილიონს გადაიხდის, თავად კონსა კი "მეთოფეებთან" გრძელვადიან ხელშეკრულებას გააფორმებს.
მას შემდეგ, რაც უილიამ სალიბამ მძიმე ტრავმა მიიღო, მიკელ არტეტამ ახალი ცენტრალური მცველის დამატება მოითხოვა. განიხილებოდა სხვა კანდიდატურებიც, მათ შორის ჯარელ ქუანსაც, თუმცა ესპანელი სპეციალისტისთვის კონსა ყოველთვის #1 სამიზნე იყო.
თუ ბოლო მომენტში რაიმე გაუთვალისწინებელი არ მოხდა, არსენალი კონსას ტრანსფერს უახლოეს დღეებში ოფიციალურად დაადასტურებს.
