ტრანსფერი დაიხურა, მატეუს ფერნანდეში ვესტ ჰემიდან კარიერას ტოტენჰემში გააგრძელებს! მხარეებს შორის ყველაფერი შეთანხმებულია, 21 წლის ფეხბურთელს ახალ კლუბში უკვე ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს.
ტოტენჰემი ახალგაზრდა პორტუგალიელი ფეხბურთელის სანაცვლოდ £85 მილიონს გადაიხდის, რითაც კლუბის სატრანსფერო რეკორდს მოხსნის!
მას შემდეგ, რაც ტოტენჰემმა ენდი რობერტსონი, მარკოს სენესი, იან პოლ ვან ჰეკე და მარტინ დუბრავკა დაიმატა, რობერტო დე ძერბიმ ნახევარდაცვის გაძლიერება მოითხოვა, რის შემდეგაც კლუბმა ორ ტრანსფერზე დაიწყო მუშაობა — მატეუს ფერნანდეშის გარდა, "დეზებს" სანდრო ტონალის დამატებაც სურთ, შესაბამისად, უახლოეს დღეებში იტალიელი ნახევარმცველის თაობაზე უფრო მეტი ინფორმაცია გახდება ცნობილი.
შეგახსენებთ, მატეუს ფერნანდეშის დამატება მანჩესტერ იუნაიტედსაც სურდა, თუმცა ტოტენჰემმა "წითელ ეშმაკებს" კონკურენცია მოუგო და პრემიერ ლიგის ერთ-ერთი გამორჩეული ნახევარმცველი დაიმატა.
