ჩეხეთის წინააღმდეგ, 90+4 წუთზე მიღებული მეორე ყვითელი ბარათისა და დისკვალიფიკაციის გამო, გურამ კაშია და ხვიჩა კვარაცხელია ვაზგენ სარგსიანის სახელობის სტადიონზე, პლეიოფის პირველ მატჩს გამოტოვებენ.
დანაკლისია მეტოქის რიგებშიც - ტრავმირებულია კრასნოდარის კაპიტანი, ედუარდ სპერციანი, რომელიც რუსეთის პრემიერლიგის მე-19 ტურში დაშავდა. ბოლო ინფორმაციით, ნახევარმცველს მინიმუმ 1 თვე გაუცდება, რის გამოც, სომხეთის ნაკრების სამარტო განაცხადში საერთოდ ვერ მოხვდება.
შეგახსენებთ, რომ საქართველოსა და სომხეთის ნაკრებების 2-რაუნდიან დაპირისპირებაში გამარჯვებული ერთა ლიგის B დივიზიონში იასპარეზებს.
დინამო არენაზე დაგეგმილი მატჩის ყველა ბილეთი სრულად, დაახლოებით 8 საათში გაიყიდა. სრულადაა გაყიდული ერევანში ჩანიშნული შეხვედრის ყველა ბილეთიც, რომელიც ქართველი გულშემატკივრისთვის გამოიყო.
