საქართველოს ქალთა ეროვნულმა ნაკრებმა ერთა ლიგის მეორე მატჩი კვიპროსის წინააღმდეგ, ლარნაკაში გამართა და დამარცხდა (2-1). ჩვენმა გუნდმა ორივე გოლი პირველივე ტაიმში გაუშვა და თავადაც, პირველივე ნახევარში გაიტანა - 44-ე წუთზე, ნათია დანელიას მაიკო ბებიამ გაატანინა.
ამ მატჩით, ჩვენმა გუნდმა თებერვლის შეკრება დაასრულა.
საქართველოს ქალთა ნაკრების შემადგენლობა თებერვლის მატჩებისთვის:
მეკარე: თათია გაბუნია (ლანჩხუთი), ეკა თაბაგარი (სამეგრელო, ჩხოროწყუ), სვეტლანა გაბელაია (ნიკე-ლუსო, თბილისი);
დაცვა: გვანცა ქადაგიშვილი (ნიკე-ლუსო, თბილისი), მარიამ კალანდაძე (ლანჩხუთი), სოფო ნარსია (ნიკე-ლუსო, თბილისი), სალომე გასვიანი (ნიკე-ლუსო, თბილისი), თამარ ქველიძე (ეტლინგვაიერი, გერმანია), ნინო ჩხარტიშვილი (ლანჩხუთი), ელენე ბოლქვაძე (ბათუმი);
ნახევარდაცვა/თავდასხმა: ირინა ხაბურზანია (ნიკე-ლუსო, თბილისი), ნინო პასიკაშვილი (კვარტალი, თბილისი), ნათია დანელია (სარაევო, ბოსნია და ჰერცეგოვინა), ლიზი მწყერაშვილი (ნიკე-ლუსო, თბილისი), ტატიანა მატვეევა (ლანჩხუთი), ანი აკობიძე (ლანჩხუთი), ანანო წიქარიძე (ლანჩხუთი), კესო მეტონიძე (რაჭა, ამბროლაური) მაიკო ბებია (იუქსექოვასპორი, თურქეთი), ლიზი კანკია (კვარტალი, თბილისი), თინათინ ამბალია (კვარტალი, თბილისი), ნინი ბუხრიკიძე (ნიკე-ლუსო, თბილისი), თეონა ბაქრაძე (ნიკე-ლუსო, თბილისი).
2 მატჩის შემდეგ, საქართველოს ქალთა ეროვნულ ნაკრებს 1 გამარჯვება (ანდორას წინააღმდეგ), 1 მარცხი აქვს და 3 ქულით, C2 ჯგუფში მეორე პოზიციას იკავებს. ჯგუფში, რომელშიც ვთამაშობთ, ლიდერი კვიპროსია, რომლის ანგარიშზეც 2 გამარჯვებაა.
ირის ანტმანის ნაკრები მომდევნო მატჩს 4 აპრილს, მესხი 2-ზე გამართავს და მალტას უმასპინძლებს, 8 აპრილს კი სტუმრად, მალტაში ჩავა.
შეგახსენებთ, რომ C ლიგა 6 ჯგუფისგან შედგება. B ლიგის საგზურს ჯგუფების გამარჯვებულები მოიპოვებენ. 2 საუკეთესო მეორეადგილოსანი დაწინაურების დამატებით შანსს მიიღებს და პლეი-ოფში B ლიგის მესამეადგილოსანს დაუპირისპირდება.
შენიშვნა: მასალაში გამოყენებულია საქართველოს ფეხბურთის ფედერაციის ფოტოები
