გიორგის მშობლები “სუხიშვილებში” 15 წლის მანძილზე ცეკვავდნენ, 2006 წელს კი ბელგიაში გადასვლის გადაწყვეტილება მიიღეს, სადაც ქართული ანსამბლი “იმედი” დაარსეს.
1,92 სმ სიმაღლის მემარცხენე მეკარე, რომელსაც ფეხით თამაში საკმაოდ კარგად გამოსდის, სწორედ ბელგიაში დაიბადა და გაიზარდა, თუმცა სამშობლოსთან კავშირი არ დაუკარგავს. თავდაპირველად, მშობლების მიერ შექმნილ ანსამბლში ცეკვავდა და კალათბურთს მისდევდა, თუმცა 7 წლის ასაკში ფეხბურთით დაინტერესდა. კარიერა ანტვერპენში დაიწყო, შემდეგ იყო ვესტერლო. სწორედ ამ დროს უკავშირდება მოწვევა საქართველოს 17-წლამდე ნაკრებში, როდესაც კარში საკვალიფიკაციო ეტაპზე, ავსტრიის წინააღმდეგ ჩადგა და საქართველოს ჰიმნი განსაკუთრებული მონდომებით შეასრულა, ლიეტუვის წინააღმდეგ კი, მატჩის დასაწყისშივე (მე-8 წუთზე), თერთმეტმეტრიანის მოიგერიება შეძლო.
აღსანიშნავია, რომ უნიონ სენ ჟილის მთავარი მწვრთნელი, ძალიან ახალგაზრდა, 37 წლის სებასტიენ პოკონიოლია, რომელსაც ბელგიის ეროვნულ ნაკრებში უთამაშია.
საინტერესოა, რომ 30 ტურის შემდეგ, უნიონ სენ ჟილი ბელგიის ჩემპიონატში 55 ქულით, მე-3 პოზიციას იკავებს და მე-2 ადგილოსან ბრიუგეს მხოლოდ და მხოლოდ 4 ქულით ჩამორჩება.
