სეზონის განახლების წინ, გუნდები წინასასეზონო შეკრებებს გადიან. პორტუგალიაშია დინამო თბილისი, რომელიც ამხანაგურ მატჩებს მართავს, თუმცა დინამო თბილისთან ერთად შეკრებაზე არ იმყოფება ვასილიოს გორდეზიანი.
La Gazzetta Georgia-ს ინფორმაციით, გადაწყვეტილია, რომ გორდეზიანი კარიერას ბოსნიურ სარაევოში გააგრძელებს, სადაც მას გიორგი გულიაშვილი დახვდება. 23 წლის ფორვარდი სარაევოს იჯარის წესით შეუერთდება, ბოსნიურ კლუბს კი მისი გამოსყიდვის უფლება ექნება. მას შემდეგ, რაც სარაევო იჯარით 27 წლის რენან ოლივეირამ დატოვა, ნათელი გახდა, რომ გუნდი აღნიშნულ პოზიციაზე გაძლიერებას საჭიროებდა.
გორდეზიანი სალონიკში (საბერძნეთი) დაიბადა და დინამო თბილისამდე (რომელსაც გასული წლის მარტში შეუერთდა), მისი სრული კარიერა პაოკის 17-წლამდე და 19-წლამდე შემადგენლობას, ასევე პაოკი ბ-ს უკავშირდებოდა.
2023 წლის სექტემბერში საქართველოს 21-წლამდე ნაკრების მთავარმა მწვრთნელმა, რამაზ სვანაძემ გორდეზიანი ნაკრებში გამოიძახა, მას შემდეგ ჩაატარა 11 მატჩი და 2 გოლი გაიტანა. გორდეზიანმა 21-წლამდე ნაკრებთან ერთად ევროშესარჩევის ციკლი ითამაშა, რომლითაც ჩვენი გუნდი 2025 წლის ივნისში სლოვაკეთში დაგეგმილ ევროპის ჩემპიონატზე მოხვდა.
შენიშვნა: მასალაში გამოყენებულია დინამო თბილისის ფოტო
