ნოემბრის თვე, ეროვნული და 21-წლამდე ნაკრებების გარდა, მნიშვნელოვანია საქართველოს 19-წლამდე ნაკრებისთვისაც. 13-19 ნოემბერს, ლაშა ფირცხალაიშვილის გუნდს მნიშვნელოვანი გამოცდა ევროპის ჩემპიონატის საკვალიფიკაციო რაუნდის ჯგუფურ ეტაპის სახით ელის.
საქართველოს 19-წლამდე ნაკრები შეხვედრებს შვედეთის, ნორვეგიისა და ესტონეთის წინააღმდეგ გამართავს.
მატჩების მასპინძელი შვედეთია.
დაგეგმილი მატჩებისთვის მთავარმა მწვრთნელმა 20 ფეხბურთელი გამოიძახა:
მეკარეები: მათე საური (რიუ ავე), ლუკა ხელაშვილი (ლოკომოტივი თბილისი);
მცველები: გიორგი ნიკოლაიშვილი (დინამო თბილისი), საბა ხარებაშვილი (დინამო თბილისი), ალექსანდრე ამისულაშვილი (იბერია 1999), ამირან ტყეშელაშვილი (ტორპედო ქუთაისი), გიორგი მეფარიშვილი (დინამო თბილისი);
ნახევარმცველები: გიორგი გვასალია (დინამო თბილისი), გიორგი გოგსაძე (იბერია 1999), თემურ დალაქიშვილი (ვიტ ჯორჯია), ლუკა წულაია (დინამო თბილისი), საბა გეგუჩაძე (იბერია 1999), ლუკა ბუბუტეიშვილი (დინამო თბილისი), ცოტნე ბერელიძე (დინამო თბილისი), ალექსანდრე ფეიქრიშვილი (დინამო კიევი), ავთანდილ მაშავა (დინამო თბილისი);
თავდამსხმელები: ალექსანდრე თურქია (ლოკომოტივი თბილისი), ვახტანგ სალია (დინამო თბილისი), საბა სამუშია (დინამო თბილისი), თემურ ოდიკაძე (დინამო თბილისი).
ჩვენი გუნდის განრიგი ასეთია:
✔️ 13 ნოემბერი | შვედეთი V საქართველო | 21:00 საათი;
✔️ 16 ნოემბერი | ნორვეგია V საქართველო | 16:00 საათი;
✔️ 19 ნოემბერი | ესტონეთი V საქართველო | 21:00 საათი.
ინფორმაციისთვის გეტყვით, რომ ნოემბრის მატჩებისთვის მზადების პროცესში, საქართველოს 19-წლამდე ნაკრებმა ოქტომბერში, ლიეტუვაში, ადგილობრივ ასაკობრივ ნაკრებთან ორი ამხანაგური მატჩი გამართა: პირველი შეხვედრა ფრედ (0:0) დასრულდა, ხოლო მეორე მატჩში გამარჯვება ჩვენმა ასაკობრივმა ნაკრებმა გიორგი მეფარიშვილისა და გიორგი ნიკოლაიშვილის გოლებით მოიპოვა (0:2).