21-წლამდე ნაკრებების ევროპის ჩემპიონატი 2025 წლის 11 ივნისიდან 28 ივნისის ჩათვლით, სლოვაკეთის 8 ქალაქის 8 სტადიონზეა დაგეგმილი. უშუალოდ ჩვენი ნაკრები მატჩებს 8 ქალაქიდან 2-ში: პოლონეთისა (11ივნისი) და საფრანგეთის (14 ივნისი) წინააღმდეგ - ჟილინაში, ხოლო პორტუგალიის (17 ივნისი) წინააღმდეგ - ტრენჩინში გამართავს.
21-წლამდე ნაკრებების ევროპის ჩემპიონატის ჯგუფურ ეტაპზე ბილეთების საფასური 12 და 15 ევროა. ბილეთების შეძენა შესაძლებელი ტურნირის ოფიციალურ ვებგვერდზეა. ამისათვის საჭიროა რეგისტრაციის უმარტივესი პროცედურის გავლა, შემდეგ კი სასურველი ადგილისა და კატეგორიის ბილეთის შერჩევა.
შეგახსენებთ, რომ 2024 წელს, ქვეყნის მეორე ნაკრებმა ისტორიულ ევროპის ჩემპიონატზე თამაშის უფლება ხორვატიის წინააღმდეგ, პლეი-ოფის გავლით მოიპოვა. აქამდე, საქართველოს 21-წლამდე ნაკრებს მსგავსი მიღწევა არ ჰქონია, რადგან 2023 წელს, 21-წლამდე ნაკრებების ევროპის ჩემპიონატზე, ჩვენი ნაკრები მასპინძლის სტატუსით მოხვდა.
