UFC-ის მსუბუქი წონითი დივიზიონის ყოფილმა ჩემპიონმა და BMF ქამრის მოქმედმა მფლობელმა, ჩარლზ ოლივეირამ დაასახელა სამი მებრძოლი, რომელსაც ის ქუჩურ ჩხუბში წაიყვანდა. ბრაზილიელი სპორტსმენის არჩევანი ასეთია: დასტინ პორიე, ისლამ მახაჩევი და ილია თოფურია.
"ქუჩაში ჩხუბი რომ მქონდეს, ვის წავიყვანდი ჩემთან ერთად? პორიეს, მახაჩევსა და თოფურიას. ყოველთვის, როდესაც მათ ვხვდები, პატივისცემას ვგრძნობ. ამ 3 ბიჭს ძალიან ვაფასებ, არა მხოლოდ ოქტაგონში დაფიქსირებული შედეგების გამო, არამედ ადამიანური თვისებების გამოც. გამორჩეულები არიან.
ვინ არის მათ შორის საუკეთესო? ისლამი. ის მართლაც ნიჭიერი და არის მებრძოლი, ვინც მთელი ამ წლების განმავლობაში უდიდესი ტრანსფორმაცია განიცადა", - განაცხადა "დუ ბრონქსმა".
