UFC-ის ყოფილმა ჩემპიონმა, მაიკლ ბისპინგმა ილია თოფურიას შესახებ ისაუბრა. ვეტერანმა მებრძოლმა აღნიშნა, რომ ჯასტინ გეიჯისთან განცდილი 1 წაგების გამო, ქართველი მსუბუქწონოსნის ჩამოწერა არ ღირს. ამის გარდა, ინგლისელმა ყოფილმა საშუალოწონოსანმა მის მომავალ მოწინააღმდეგეზეც ისაუბრა.
"გეიჯისთან მარცხის გამო არ შეიძლება იმ ყველაფრის დავიწყება, რასაც თოფურიამ მიაღწია. მჯერა, რომ ის კიდევ უფრო ძლიერი დაბრუნდება. ილიას შემდეგი მოწინააღმდეგე? შეიძლება ეს იყოს პიმბლეტი, რადგან მათ აქვთ ერთგვარი მტრობა და ბევრიც ნათქვამი ერთმანეთის მისამართით. ალბათ ყველას გახსოვთ, რაც მათ შორის ხდებოდა.
როდესაც ისინი ოქტაგონში იდგნენ ერთმანეთის პირისპირ, პედი ჩანდა ბევრად დიდი და აქედან გამომდინარე, არ ვიცი, რამდენად მოუნდება "მატადორს" მასთან ჩხუბი. არ გამოვრიცხავ იმასაც, რომ შედგეს რემატჩი ჯასტინსა და მას შორის", - განაცხადა "გრაფმა".
