საინტერესოა, რომ ილორის, ეროვნულ ლიგაში, ყოფილი თანაგუნდელი - მამადუ სახო დახვდება. ორივე მათგანს ლივერპულში გერმანელი სპეციალისტი, იურგენ კლოპი ავარჯიშებდა. ილორი ლივერპულს სპორტინგიდან 2013 წელს, დაახლოებით 8 მილიონი ევროს სანაცვლოდ შეუერთდა. ფეხბურთელი მაშინ მხოლოდ 20 წლის იყო.
სპორტინგისა და ლივერპულის გარდა, ილორის სხვადასხვა დროს, ისეთ გუნდებში უთამაშია, როგორიცაა: ასტონ ვილა, ბორდო, გრანადა, ბოავიშტა. საინტერესოა, რომ პორტუგალიელი ფეხბურთელი დილას თავისუფალი აგენტის სტატუსით შეუერთდა.
La Gazzetta Georgia-მ ტიაგო ილორისთან ექსკლუზიური ინტერვიუ ჩაწერა.
- პირველ რიგში მინდა, რომ წარმატება გისურვოთ და დათმობილი დროისთვის მადლობა გადაგიხადოთ.
რა იყო თქვენი სპორტული მოტივაცია, როდესაც დილას სატრანსფერო სიაში აღმოჩნდით და შეთავაზება მიიღეთ?
- დილას შემოთავაზება სწორედ იმ პერიოდში მივიღე, როცა საკმაოდ ბევრი სათამაშო დრო გამიცდა. ჩემთვის პრიორიტეტული ისეთ მწვრთნელთან მუშაობა იყო, რომელთანაც საერთო ხედვა გამაჩნდა და რა თქმა უნდა, თამაში ისეთი გუნდისთვის, რომელიც ქვეყნის ყველა ტურნირზე მაღალი შედეგებისთვის იბრძვის. სათამაშო დრო მჭირდება და რადგან, სეზონი ახლახანს დაიწყო, ვგრძნობ, ეს შესაფერისი ადგილია მივიღო სათამაშო წუთები და კლუბს დასახული მიზნების მიღწევაში დავეხმარო.
- სანამ გადაწყვეტილებას მიიღებდით და დილასთან კონტრაქტს ხელს მოაწერდით, ყოფილ თანაგუნდელს - მამადუ სახოს თუ ესაუბრეთ და რა გითხრათ ეროვნულ ლიგაზე?
- სიმართლე გითხრათ, მამადუსთან ამ საკითხზე არ მისაუბრია, თუმცა ჩვენ ყოველთვის კარგი ურთიერთობა გვქონდა. ვესაუბრე პედრო მენდეშს, რომელსაც ძალიან ბევრი წელია ვიცნობ. ასე, რომ ჩვენი გუნდის მთავარმა მწვრთნელმა, რიკარდო კოშტამ და პედრო მენდეშმა ყველა საჭირო ინფორმაცია მომაწოდეს.
- საქართველოში ჩამოსვლამდე ეროვნული ლიგის მატჩებს თვალი თუ მიადევნეთ და რა შთაბეჭდილება დაგრჩათ?
- როგორც უკვე გითხარით, პედრო მენდეშთან მრავალწლიანი მეგობრობა მაკავშირებს. მას შემდეგ, რაც მან კონტრაქტი დილასთან გააფორმა, დილას შედეგებისთვის თვალის მიდევნება დავიწყე. შემდეგ კი, როდესაც კონტრაქტი დილასთან თავად მეც გავაფორმე, ეროვნული ლიგის რამდენიმე მატჩი ვნახე და შემიძლია გითხრათ, რომ ეროვნული ლიგა საკმაოდ კონკურენტუნარიანი ჩანს.
- თქვენ პორტუგალიელი ხართ, დილას მთავარი მწვრთნელიც პორტუგალიიდანაა. იყოს ეს დამატებითი მიზეზი, რის გამოც დილაში კარიერის გაგრძელება გადაწყვიტეთ?
- ჩემთვის ძალიან მნიშვნელოვანი იყო იმ მწვრთნელის ხელმძღვანელობით თამაში, რომლის მეთოდოლოგიასაც კარგად ვიცნობ. რიკარდოს, როგორც ფეხბურთელის, კარიერას თვალს ვადევნებდი და ამ ეტაპზე უკვე მაქვს შანსი, რომ მისგან ვისწავლო.
- გორი პატარა, ძველი ქალაქია, სადაც დილა ძალიან უყვართ... რა შეგიძლიათ, რომ გორზე გვითხრათ, გქონდათ დრო, რომ ქალაქი დაგეთვალიერებინათ და ქართული კერძები გაგესინჯათ?
- ჯერ-ჯერობით, გორის დასათვალიერებლად დრო ნამდვილად არ მქონია, თუმცა სულ მალე ჩემი ოჯახი მესტუმრება და მათთან ერთად ქალაქს აუცილებლად დავათვალიერებ. რაც შეეხება ქართულ კერძებს - კი, რამდენიმე ქართული კერძი გავსინჯე, კერძის სახელები არ მახსოვს, მაგრამ შემიძლია გითხრათ, რომ საოცარი იყო.
- საქართველოს TOP ლიგებში არაერთი გამორჩეული ფეხბურთელი ჰყავს: მაგალითად, ხვიჩა კვარაცხელია და გიორგი მიქაუტაძე, ასევე, გიორგი მამარდაშვილი, რომელიც ზაფხულიდან თქვენს ყოფილ გუნდში - ლივერპულში ითამაშებს. სანაკრებო ფეხბურთს თუ ადევნებთ თვალს და რა შეგიძლიათ, რომ საქართველოს ეროვნულ ნაკრებზე გვითხრათ?
- კარიერის მანძილზე საქართველოს ნაკრების წინააღმდეგ არ მითამაშია, თუმცა ასე შეგვიძლია, რომ ვთქვათ: ეროვნული ნაკრები ის ადგილია, სადაც თავს გამორჩეულად საუკეთესოები იყრიან.
- ევროპის 2024 წლის ჩემპიონატზე პორტუგალია დავამარცხეთ (2-0). პორტუგალია დავამარცხეთ 2023 წელს, ევროპის 21-წლამდე ნაკრებების ევროპის ჩემპიონატზეც (2-0). მიმდინარე წლის ზაფხულშიც, 21-წლამდე ნაკრებების ევროპის ჩემპიონატზე, თამაში კვლავ პორტუგალიის წინააღმდეგ გვიწევს. რა შეგიძლიათ, რომ ახალგაზრდა პორტუგალიელ ფეხბურთელებზე გვითხრათ?
- შესაძლოა, მიკერძოებული ვარ, მაგრამ გეტყვით, რომ ყველა საფეხბურთო თაობა ერთნაირი არ არის, თუმცა პორტუგალიამ არაერთხელ დაამტკიცა, რომ არის ქვეყანა, სადაც თავს მსოფლიოს საუკეთესო საფეხბურთო ტალანტი იყრის. სასიამოვნო განცდაა, როდესაც ასეთ ქვეყანას წარმოვადგენ.
- ლივერპულში გატარებული წლები გაიხსენეთ და ამ კლუბზე მეტი მოგვიყევით. ქართული ფეხბურთის გულშემატკივრისთვის ეს განსაკუთრებულად საინტერესო იქნება, რადგან ზაფხულიდან ლივერპულში საქართველოს ეროვნული ნაკრების მეკარე, გიორგი მამარდაშვილი ითამაშებს...
- ლივერპული შესანიშნავი და მართლაც უნიკალური კლუბია. ამ კლუბში გატარებული პერიოდი ახდენილი ოცნებაა. ჩემი უფროსი ქალიშვილი ლივერპულში დაიბადა. ლივერპულში გატარებული პერიოდისთვის სამუდამოდ მადლიერი ვიქნები.
- რა რჩევას მისცემით ახალგაზრდა ფეხბურთელებს, რომლებიც ტოპ კლუბებში თამაშზე ოცნებობენ?
- რამდენიმე მნიშვნელოვანი რამ უნდა გვახსოვდეს: - თუ გსურს, რომ საუკეთესოებს კონკურენცია გაუწიო, ისე უნდა იმუშაო და იმდენი გაიღო, როგორც ამას საუკეთესოები აკეთებენ. ასევე, მუდმივად უნდა პროგრესირდე, გაუმჯობესდე. ფეხბურთი არის მენტალობა, ასევე, თანმიმდევრულობა. მთავარია, საკუთარი თავის გჯეროდეს, რატომაც არა?
- ჯერ-ჯერობით, გორის დასათვალიერებლად დრო ნამდვილად არ მქონია, თუმცა სულ მალე ჩემი ოჯახი მესტუმრება და მათთან ერთად ქალაქს აუცილებლად დავათვალიერებ. რაც შეეხება ქართულ კერძებს - კი, რამდენიმე ქართული კერძი გავსინჯე, კერძის სახელები არ მახსოვს, მაგრამ შემიძლია გითხრათ, რომ საოცარი იყო.
- საქართველოს TOP ლიგებში არაერთი გამორჩეული ფეხბურთელი ჰყავს: მაგალითად, ხვიჩა კვარაცხელია და გიორგი მიქაუტაძე, ასევე, გიორგი მამარდაშვილი, რომელიც ზაფხულიდან თქვენს ყოფილ გუნდში - ლივერპულში ითამაშებს. სანაკრებო ფეხბურთს თუ ადევნებთ თვალს და რა შეგიძლიათ, რომ საქართველოს ეროვნულ ნაკრებზე გვითხრათ?
- კარიერის მანძილზე საქართველოს ნაკრების წინააღმდეგ არ მითამაშია, თუმცა ასე შეგვიძლია, რომ ვთქვათ: ეროვნული ნაკრები ის ადგილია, სადაც თავს გამორჩეულად საუკეთესოები იყრიან.
- ევროპის 2024 წლის ჩემპიონატზე პორტუგალია დავამარცხეთ (2-0). პორტუგალია დავამარცხეთ 2023 წელს, ევროპის 21-წლამდე ნაკრებების ევროპის ჩემპიონატზეც (2-0). მიმდინარე წლის ზაფხულშიც, 21-წლამდე ნაკრებების ევროპის ჩემპიონატზე, თამაში კვლავ პორტუგალიის წინააღმდეგ გვიწევს. რა შეგიძლიათ, რომ ახალგაზრდა პორტუგალიელ ფეხბურთელებზე გვითხრათ?
- შესაძლოა, მიკერძოებული ვარ, მაგრამ გეტყვით, რომ ყველა საფეხბურთო თაობა ერთნაირი არ არის, თუმცა პორტუგალიამ არაერთხელ დაამტკიცა, რომ არის ქვეყანა, სადაც თავს მსოფლიოს საუკეთესო საფეხბურთო ტალანტი იყრის. სასიამოვნო განცდაა, როდესაც ასეთ ქვეყანას წარმოვადგენ.
- ლივერპულში გატარებული წლები გაიხსენეთ და ამ კლუბზე მეტი მოგვიყევით. ქართული ფეხბურთის გულშემატკივრისთვის ეს განსაკუთრებულად საინტერესო იქნება, რადგან ზაფხულიდან ლივერპულში საქართველოს ეროვნული ნაკრების მეკარე, გიორგი მამარდაშვილი ითამაშებს...
- ლივერპული შესანიშნავი და მართლაც უნიკალური კლუბია. ამ კლუბში გატარებული პერიოდი ახდენილი ოცნებაა. ჩემი უფროსი ქალიშვილი ლივერპულში დაიბადა. ლივერპულში გატარებული პერიოდისთვის სამუდამოდ მადლიერი ვიქნები.
- რა რჩევას მისცემით ახალგაზრდა ფეხბურთელებს, რომლებიც ტოპ კლუბებში თამაშზე ოცნებობენ?
- რამდენიმე მნიშვნელოვანი რამ უნდა გვახსოვდეს: - თუ გსურს, რომ საუკეთესოებს კონკურენცია გაუწიო, ისე უნდა იმუშაო და იმდენი გაიღო, როგორც ამას საუკეთესოები აკეთებენ. ასევე, მუდმივად უნდა პროგრესირდე, გაუმჯობესდე. ფეხბურთი არის მენტალობა, ასევე, თანმიმდევრულობა. მთავარია, საკუთარი თავის გჯეროდეს, რატომაც არა?
ტიაგო ილორი გორის დილაში 34-ნომრიანი მაისურით ითამაშებს.
28 მარტს, ტიაგო ილორი გორის დილას განაცხადში პირველად მოხვდა, თუმცა მოედანზე არ გამოჩენილა. მატჩი თელავის წინააღმდეგ დილამ ანგარიშით - 6-1 მოიგო. გუნდს მომდევნო მატჩი გარეჯის წინააღმდეგ, 1 აპრილს, საკუთარ მოედანზე აქვს ჩანიშნული. ეს ეროვნული ლიგის პირველი ტურის გადადებული შეხვედრაა, რომელიც რთული მეტეოროლოგიური პირობების გამო, 28 თებერვალს უნდა გამართულიყო.
შენიშვნა: მასალა შეიცავს გორის დილას ფოტოებს
შენიშვნა: მასალა შეიცავს გორის დილას ფოტოებს
