რეალ მადრიდი ალესანდრო ბასტონის ტრანსფერზე მუშაობას იწყებს. გავრცელებული ინფორმაციით, იტალიელი ცენტრალური მცველი ჟოზე მოურინიოს მთავარი სატრანსფერო სამიზნეა, ხოლო ფლორენტინო პერესი მის დასამატებლად ყველაფერს გააკეთებს.
გავლენიანი წყაროების ინფორმაციით, იტალიელ ფეხბურთელს რეალ მადრიდში გადასვლის სურვილი აქვს, რაც მოლაპარაკებებს მნიშვნელოვნად გაამარტივებს.
მოურინიოსა და ბასტონის სურვილის მიუხედავად, ტრანსფერის განხორციელება მარტივი ნამდვილად არ იქნება, რადგან იტალიელის სავარაუდო სატრანსფერო ღირებულება €60-70 მილიონია. უახლოეს საათებში 27 წლის ფეხბურთელის თაობაზე უფრო მეტი ინფორმაცია გახდება ცნობილი, თუმცა ერთი რამ ფაქტია, სამეფო კლუბი ბასტონის დასამატებლად ყველაფერს გააკეთებს.
