დადასტურებულად — მილანი გონსალუ რამუშის ტრანსფერზე მუშაობს! მხარეებს შორის პირველი კონტაქტი რამდენიმე საათის წინ შედგა, რა დროსაც "როსონერიმ" პორტუგალიელი ფორვარდის სანაცვლოდ პირველი შეთავაზება გააკეთა.
როგორც იტალიური გამოცემები წერენ, რუბენ ამორიმისთვის 25 წლის ფეხბურთელი ნომერ პირველი სამიზნეა და კლუბი ყველაფერს გააკეთებს მისი ტრანსფერის განსახორციელებლად.
მას შემდეგ, რაც რუბენ ამორიმი მილანის მთავარ მწვრთნელად დაინიშნა, პორტუგალიელმა ახალი ფორვარდის დამატება მოითხოვა. "როსონერის" სიაში სხვა მოთამაშეებიც არიან, თუმცა ამ მომენტისთვის პრიორიტეტი გონსალუ რამუშია.
რამდენიმე თვის წინ, როგორც გაცნობეთ, პარი სენ-ჟერმენს რამუშის გაყიდვა სურს, შესაბამისად, თუ პარიზელები მათთვის მისაღებ შეთავაზებას მიიღებენ, ისინი ტრანსფერს მწვანე შუქს აუნთებენ. მილანი პორტუგალიელის გარიგებაზე მუშაობს და საკმაოდ დიდი შანსია, მხარეებმა შეთანხმებასაც მიაღწიონ.
