დადასტურებულად — ბარსელონა კარიმ ადეიემის პირადი კონტრაქტის პირობებზე შეუთანხმდა! რამდენიმე დღის წინ 24 წლის ვინგერის აგენტთან დაწყებული მოლაპარაკებები წარმატებით დასრულდა და მხარეებს შორის საბოლოო შეთანხმება შედგა. ახლა კი კატალონიური გრანდი დორტმუნდთან სატრანსფერო თანხის შეთანხმებაზე მუშაობს.
თუ გავლენიან წყაროებს დავუჯერებთ, ბარსელონას პირველი შეთავაზება დაახლოებით €20 მილიონი იყო, რაც დორტმუნდმა დაბლოკა. გერმანელები 24 წლის ფეხბურთელს დაახლოებით €30/35 მილიონად აფასებენ.
როგორც იწერება, ადეიემის კარიერის გაგრძელება მხოლოდ ბარსელონაში სურს და იმედოვნებს, რომ კლუბები შეთანხმებას რაც შეიძლება მალე მიაღწევენ.
კარიმ ადეიემი დორტმუნდის ღირსებას 2022 წლიდან მოყოლებული იცავს. გერმანელმა ფეხბურთელმა ამ დროში 146 მატჩის ჩატარება მოასწრო, გაიტანა 36 გოლი და 25 საგოლე გადაცემითაც გამოიჩინა თავი.
