პარამძლეოსანმა, გიგა ოჩხიკიძემ პარაბირთვის კვრაში (F53) 9.66 მეტრი დააფიქსირა და პარალიმპიური ტაამშებსი ჩემპიონი მსოფლიო რეკორდით გახდა.
ოჩხიკიძემ საქართველოს პარალიმპიურ თამაშებზე ისტორიაში მეორე ოქროს მედალი მოუტანა. აქამდე ერთადერთი ოქროს მფლობელი პარაძიუდოისტი ზვიად გოგოჭური იყო, რომელმაც ჩემპიონობა 2016 წელს რიოში იზეიმა.
აღსანიშნავია, რომ საქართველომ პარალიმპიადასა და ოლიმპიადაზე ბირთვის კვრაში მედალი პირველად მოიპოვა. ასევე, დამოუკიდებელი საქართველოს ისტორიაში გიგა ოჩხიკიძე პირველი სპორტსმენია, რომელმაც პარალიმპიადასა და ოლიმპიადაზე მძლეოსნობაში მედლის მოპოვება შეძლო.
გიგა ოჩხიკიძე მსოფლიოს მოქმედი ჩემპიონია. ქართველმა ჩემპიონობა მიმდინარე წლის მაისში იზეიმა.
საქართველოს დელეგაციას პარიზის პარალიმპიურ თამაშებზე პირველი (ბრინჯაოს) მედალი პარატაეკვონდოისტმა ანა ჯაფარიძემ (- 52 კგ.) მოუტანა. ქართველმა პარატაეკვონდოისტმა პარალიმპიურ თამაშებზე პირველად იასპარეზეს. ანა საქართველოს ისტორიაში პირველი პარასპორტსმენია, რომელმაც პარალიმპიურ თამაშებზე ბრინჯაოს მედალი მოიპოვა.
საქართველოს დელეგაციას რამდენიმე წუთის წინ კიდევ ერთი ბრინჯაოს მელი შეემატა. პარალიმპიური თამშების პრიზიორი ეტლით მოფარიკავე ხმლით ასპარეზობაში ნინო თიბილაშვილი გახდა. ნინომ პარლიმპიურ თამაშებზე კარიერაში მეორე მედალი მოიპოვა და ერთადერთი ქართველი პარასპორტსმენია, რომელსაც 2 პარალიმპიური მედალი აქვს. ნინომ ვერცხლი ტოკიოში დაისაკუთრა.
