როგორც რამდენიმე კვირის წინ გაუწყეთ, 17 წლის ტალანტის შეძენით იტალიური გრანდი ტურინის იუვენტუსი აქტიურად ინტერესდება.
LaGazzetta.ge-ს ინფორმაციით, ახალგაზრდა ქართველი შემტევის მიმართ დიდ ინტერესს ლონდონის არსენალიც იჩენს. მხარეებს შორის მოლაპარაკებები უკვე მიმდინარეობს.
ამ ეტაპზე, ორი ევროპული გრანდია, რომელსაც ბართიშვილის შეძენა სურს და ფეხბურთელის წარმომადგენლებთან მოლაპარაკებებს აწარმოებენ - არსენალი და იუვენტუსი.
შეგახსენებთ, რომ ბართიშვილი იჯარის წესით ჩემპიონ იბერიაში თამაშობს და საქართველოს 19 და 21-წლამდე ნაკრების წევრია.
აღსანიშნავია, რომ ბოლო 6 შეხვედრაში ბართიშვილმა უკვე 4 გოლი გაიტანა, როგორც ასაკობრივ ნაკრებში, ისე ეროვნულ ჩემპიონატში.
