პრემიალური თანხა ჩემპიონებისთვის 17 000 ლარი იქნება, II ადგილის მფლობელებს - 8 500, ხოლო მე-3 ადგილზე გასულებს - 5 100 ლარი გადაეცემათ.
რაც შეეხება მკლავჭიდისა და პარამკლავჭიდის ახალგაზრდულ ნაკრებს, I ადგილის მფლობელებს პრემიის სახით 5 100 ლარი, II ადგილის მფლობელებს - 3 400, ხოლო მე-3 ადგილზე გასულებს - 1 700 ლარი გადაეცემათ.
პრემიას ასევე მიიღებენ მკლავჭიდის ჭაბუკთა ნაკრების I ადგილის მფლობელები 3 400 ლარის ოდენობით.
საქართველოს მთავრობის გადაწყვეტილებით, პრემიები გათვალისწინებულია მწვრთნელებისა და სამედიცინო პერსონალისთვისაც.
მკლავჭიდსა და პარამკლავჭიდში მსოფლიო ჩემპიონატის მონაწილეებისთვის დაწესებული პრემიების ჯამური ოდენობა 1,921,850 ლარია.
მსოფლიოს ჩემპიონატზე ქართველმა მკლავჭიდელებმა 143 მედალი მოიპოვეს.
ეროვნულმა ნაკრებმა 5 ოქროს, 7 ვერცხლისა და 6 ბრინჯაოს მედალი მოიპოვა, ახალგაზრდა მკლავჭიდელებმა კი 10 ოქრო, 10 ვერცხლი და ბრინჯაოს 9 მედალი დაისაკუთრეს.
მსოფლიოს ჩემპიონატზე პარამკლავჭიდელებმა ოცდათექვსმეტი ოქროს, ოცდათორმეტი ვერცხლისა და ოცდარვა ბრინჯაოს მედალი მოიპოვეს და გუნდურ ჩათვლაში პირველი ადგილი დაიკავეს.
