ბოლო საათებში გიორგი მამარდაშვილი და იუვენტუსი აქტიურად დაუკავშირეს ერთმანეთს — სოციალურ ქსელებში და სხვადასხვა გამოცემაში იმდენად ხშირად იწერებოდა ქართველი მეკარის ტურინულ გრანდში შესაძლო გადასვლის შესახებ, რომ ბევრმა ტრანსფერი უკვე ფაქტობრივად დასრულებულ ამბადაც კი მიიჩნია.
რა ხდება რეალურად?
ჩვენი ინფორმაციით, ამ ეტაპზე კონკრეტული არაფერია და საქმე მხოლოდ ინფორმაციის გაცვლასთან გვაქვს. მოგეხსენებათ, იუვენტუსი უკვე რამდენიმე კვირაა ალისონ ბეკერის ტრანსფერზე მუშაობს, თუმცა მხარეები შეთანხმებას ამ დრომდე ვერ ახერხებენ. სწორედ ამიტომ, "ბიანკონერიმ“ ქართველი მეკარის შესახებაც მოითხოვა ინფორმაცია.
ამ მომენტისთვის ყველაზე სწორი შეფასება ის იქნება, რომ გიორგი მამარდაშვილის იუვენტუსში გადასვლაზე საუბარი ნაადრევია. ინტერესი შესაძლოა მართლაც არსებობდეს, თუმცა ტრანსფერის დახურვაზე საუბარი აშკარად გადაჭარბებულია.
მასალა განახლებადია...
