კონორ მაკგრეგორთან ბრძოლის წინ, მაქს ჰოლოუეიმ განაცხადა, რომ გამარჯვების შემთხვევაში ის ისლამ მახაჩევს გამოიწვევდა. როგორც ვიცით, ირლანდიელი მებრძოლის ფეხის ტრავმის გამო, მოგება მის ჰავაელ მოწინააღმდეგეს ჩაეწერა. ამ ყველაფერს გამოეხმაურა 77 კილოგრამ წონითი დივიზიონის ქამრის დაღესტნელი მფლობელის მწვრთნელი, ხავიერ მენდესი.
"UFC-ში რაც არ უნდა გადაწყვიტონ, მახაჩევი თანხმობით უპასუხებს. ჰოლოუეი? ის ნამდვილი ლეგენდარული მებრძოლია, ვინც ახალ გამოწვევებზე უარს არასდროს ამბობს. მაქსის ჩამოწერა არ შეიძლება, რადგან ის ჩხუბისთვის ყოველთვის მზადაა. არ ვიცი, რა შედეგით დასრულდება ეს ყველაფერი, მაგრამ ფაქტია, ჰავაელი მებრძოლი საომრად გავა.
"კურთხეული" არასდროს შესულა ოქტაგონში უბრალოდ მოვალეობის მოხდის მიზნით. ის არის სპორტსმენი მებრძოლი სულითა და ჩემპიონის მენტალიტეტით. დიახ, ჰოლოუეი მზადაა ნებისმიერი ოპონენტისთვის, მათ შორის ისლამისთვისაც", - განაცხადა მექსიკელმა მწვრთნელმა.
