UFC-ის ყოფილმა ჩემპიონმა, კამარუ უსმანმა გაიხსენა უცნობი ისტორია, თუ როგორ ჩაეშალა მას ბრძოლა ისლამ მახაჩევთან. ვეტერანმა კამერუნელმა მებრძოლმა აღნიშნა, პრომოუშენი იყო გადართული დაღესტნელი ჩემპიონისა და ილია თოფურიას ჩხუბზე, რის გამოც თავად ის გეგმებიდან ამოვარდა.
"ყველამ იცოდა, რომ მსურდა ბრძოლა მახაჩევთან, თუმცა იმ დროს მოვლენები ძალიან სწრაფად იცვლებოდა. UFC-იმ დაიწყო მისი და თოფურიას ჩხუბის ორგანიზება, რის გამოც ჩემზე დისკუსიები ნელ-ნელა შეწყდა. ამის შემდეგ, დავთანხმდი დუ პლესისთან ჩხუბს, რადგან სხვა ვარიანტი არ იყო", - განაცხადა "კოშმარმა".
შეგახსენებთ, რომ რუსი და ქართველი ჩემპიონების ბრძოლა იგეგმებოდა მართლაც, თუმცა საბოლოოდ, არ შედგა. მხარეები ასახელებენ ორ ვერსიას - მახაჩევის მხარე ამბობს, რომ მისმა მოწინააღმდეგემ მოითხოვა მეტისმეტად დიდი ჰონორარი, "მატადორის" თქმით კი ოპონენტი ჩხუბს ხელის ტრავმის გამო ჩაეხსნა.
