ლიონი ლიგა 1-ის მომდევნო ტურში მონპელიეს დაუპირისპირდება. მატჩის წინა პრესკონფერენციაზე კი გიორგი მიქაუტაძემ მომავალთან დაკავშირებით კომენტარი გააკეთა:
"ლიონში 6 თვის წინ მოვედი და გუნდის დატოვებას ნამდვილად არ ვაპირებ. მე მხოლოდ ლიონზე ვფიქრობ და მომდევნო მატჩისთვის ვაგრძელებ მზადებას. სატრანსფერო ჭორებს ყურადღებას არ ვაქცევ."
იმის მიუხედავად, რომ ლიონს ფინანსური პრობლემები აქვს, გუნდი ყველა ფეხბურთელის გაყიდვას არ გეგმავს. ფრანგული კლუბი ქართველ ფეხბურთელს დაახლოებით €25 მილიონად აფასებს, შესაბამისად თუ რომელიმე გუნდი ამ თანხას არ გადაიხდის, მიქაუტაძე დიდი ალბათობით საფრანგეთში დარჩება.
