ტრანსფერი დაიხურა, კრისტიან რომერო ტოტენჰემიდან კარიერას ატლეტიკო მადრიდში გააგრძელებს. გამოცდილ არგენტინელ ცენტრალურ მცველს ახალ კლუბში უკვე ელოდებიან, სადაც სამედიცინო შემოწმებას გაივლის და კონტრაქტს ხელს მოაწერს.
ატლეტიკო მადრიდი რომეროს სანაცვლოდ დაახლოებით €40 მილიონს გადაიხდის, თავად ფეხბურთელი კი მადრიდულ კლუბთან გრძელვადიან კონტრაქტს გააფორმებს.
მიუხედავად იმისა, რომ რომეროს ტრანსფერზე ინტერი აქტიურად მუშაობდა, არგენტინელ მცველს კარიერის გაგრძელება მხოლოდ ატლეტიკო მადრიდში სურდა. საბოლოოდ, საქმეში დიეგო სიმეონეც ჩაერთო, რომელმაც კლუბის ხელმძღვანელობას ტრანსფერის რაც შეიძლება სწრაფად დახურვა მოსთხოვა. ფეხბურთელის სურვილმა და სიმეონეს დაჟინებულმა მოთხოვნამ მოლაპარაკებებში მნიშვნელოვანი როლი ითამაშა, რის შედეგადაც ატლეტიკო ფავორიტად ჩამოყალიბდა და გარიგებაც დაიხურა.
