ჩვენმა ეროვნულმა ნაკრებმა, ვილი სანიოლის ხელმძღვანელობით, 2024 წელს, გერმანიაში, ისტორიულ ევროპის ჩემპიონატზე ითამაშა, ზურგს კი ათასობით ქართველი გულშემატკივარი უმაგრებდა.
აღსანიშნავია, რომ ისტორიულ ევროპის ჩემპიონატზე თამაშის შემდეგ, მაშინ, როდესაც ეროვნული ნაკრების მთავარ მწვრთნელს მოქმედი კონტრაქტი უსრულდებოდა, ხოლო წინ 2026 წლის მსოფლიო ჩემპიონატის საკვალიფიკაციო ეტაპია, ვილი სანიოლსა და საქართველოს ფეხბურთის ფედერაციას შორის თანამშრომლობის ახალი ხელშეკრულება გაფორმდა. ახალი კონტრაქტის გათვალისწინებით, ფრანგი სპეციალისტი საქართველოს ნაკრებში 2028 წლის ჩათვლით იმუშავებს.
ინფორმაციისთვის გეტყვით, რომ IFFHS-მ საუკეთესო მწვრთნელად ლუის დე ლა ფუენტე დაასახელა, რომლის გაწვრთნილი ესპანეთის ნაკრები EURO 2024-ის ჩემპიონი გახდა.
