საქართველოს 21-წლამდე ნაკრები 15 ნოემბერს, ევროპის ჩემპიონატის საკვალიფიკაციო რაუნდის ისტორიული პლეი-ოფის პირველ მატჩს მიხელ მესხზე, ხორვატიის წინააღმდეგ ითამაშებს, ხოლო საპასუხო შეხვედრას 19 ნოემბერს სტუმრად, ხორვატიის ქალაქ რიეკას ცენტრალურ სტადიონზე, რუევიცაზე გამართავს.
როგორ მოვედით აქამდე
საქართველოს 21-წლამდე ნაკრები 2025 წლის ევროპის ევროპის ჩემპიონატის შესარჩევი ციკლის C ჯგუფში: ნიდერლანდებთან, შვედეთთან, მოლდოვასთან, ჩრდილოეთ მაკედონიასა და გიბრალტართან ერთად თამაშობდა. გამართული 10 მატჩიდან რამაზ სვანაძის გუნდმა 6 შეხვედრა მოიგო, 1 მატჩი ფრედ დაასრულა, 3 შემთხვევაში დამარცხდა, 19 ქულით მე-2 ადგილი დაიკავა და აღნიშნული მაჩვენებლით, ისტორიულ პლეი-ოფში ითამაშებს.
აქამდე, საქართველოს 21-წლამდე ნაკრებს მსგავსი მიღწევა არ ჰქონია, რადგან 2023 წელს, 21-წლამდე ნაკრებების ევროპის ჩემპიონატზე ჩვენი ნაკრები მასპინძლის სტატუსით მოხვდა.
ტურნირის დებულების მიხედვით, 2025 წლის ევროპის 21-წლამდე ნაკრებების ჩემპიონატზე, საკვალიფიკაციო რაუნდის ჯგუფური ეტაპიდან (მასპინძელი სლოვაკეთის გარდა) პირდაპირ მოხვდა 9 ჯგუფის გამარჯვებული ნაკრები და 3 საუკეთესო მეორეადგილოსანი, ხოლო დარჩენილი 6 მეორეადგილოსანი ნაკრები ერთმანეთში, წყვილად 2-მატჩიან პლეი-ოფს ითამაშებს და ბოლო 3 საგზური სწორედ ამ გზით გადანაწილდება.
მატჩის სამსაჯო ბრიგადა
უკვე ცნობილია, რომ მიხეილ მესხზე დაგეგმილ მატჩს შვედი არბიტრები მოემსახურებიან. შეხვედრას 32 წლის ადამ ლაბედეკი გაუძღვება, რომელსაც ასისტენტობას ნიკლას ნიბერგი და დანიელ ინგი გაუწევენ, ხოლო მეოთხე მსაჯი ჯოაკიმ ოსტლინგი იქნება.
ურთიერთშეხვედრების ისტორია
სხვადასხვა დროს, საქართველოსა და ხორვატიის 21-წლამდე ნაკრებები ერთმანეთს 4-ჯერ შეხვდნენ, საიდანაც: 1 მატჩი საქართველოს ახალგაზრდულმა ნაკრებმა მოიგო, 1 შეხვედრა - ხორვატიის ახალგაზრდულმა გუნდმა, ხოლო 2 დაპირისპირება ფრედ დასრულდა.
საქართველოს ნაკრების დანაკლისი
დისციპლინარული სანქციების გამო (ყვითელი ბარათები), ხორვატიასთან გასამართი პლეი-ოფის პირველ მატჩს გუნდის კაპიტანი, საბა ხვადაგიანი და ნახევარმცველი, ნოდარ ლომინაძე გამოტოვებენ.
საქართველოს 21-წლამდე ნაკრების შემადგენლობა:
მეკარეები: ლუკა ხარატიშვილი (დინამო ბათუმი), მიხეილ მაქაცარია (დინამო თბილისი), ლევან თანდილაშვილი (თელავი).
მცველები: ირაკლი აზაროვი (დონეცკის შახტარი, უკრაინა), საბა ხვადაგიანი (დინამო თბილისი), ნიკოლოზ უგრეხელიძე (დინამო თბილისი), საბა მამაცაშვილი (სირიუსი, შვედეთი), გიორგი მაისურაძე (ჟიტომირი, უკრაინა), ლადო ოდიშვილი (თელავი), ლუკა ლაცაბიძე (ოდესის ჩერნომორეცი, უკრაინა), თორნიკე მორჩილაძე (თელავი).
ნახევარმცველები: ოთარ მამაგეიშვილი (იბერია 1999), გიზო მამაგეიშვილი (იბერია 1999), ლევან ოსიყმაშვილი (დინამო თბილისი), ირაკლი იეგოიანი (ვიტესი, ნიდერლანდები), ლუკა გაგნიძე (დინამო მოსკოვი, რუსეთი), ნოდარ ლომინაძე (დილა გორი), დაჩი ლორდქიფანიძე (კრემონეზე, იტალია), გაბრიელ სიგუა (ბაზელი, შვეიცარია).
თავდამსხმელები: ვასილიოს გორდეზიანი (დინამო თბილისი), გიორგი კვერნაძე (ფროზინონე, იტალია), გიორგი აბუაშვილი (კოლხეთი ფოთი 1913), ლაშა ოდიშარია (რფს რიგა, ლატვია).
მცველები: ირაკლი აზაროვი (დონეცკის შახტარი, უკრაინა), საბა ხვადაგიანი (დინამო თბილისი), ნიკოლოზ უგრეხელიძე (დინამო თბილისი), საბა მამაცაშვილი (სირიუსი, შვედეთი), გიორგი მაისურაძე (ჟიტომირი, უკრაინა), ლადო ოდიშვილი (თელავი), ლუკა ლაცაბიძე (ოდესის ჩერნომორეცი, უკრაინა), თორნიკე მორჩილაძე (თელავი).
ნახევარმცველები: ოთარ მამაგეიშვილი (იბერია 1999), გიზო მამაგეიშვილი (იბერია 1999), ლევან ოსიყმაშვილი (დინამო თბილისი), ირაკლი იეგოიანი (ვიტესი, ნიდერლანდები), ლუკა გაგნიძე (დინამო მოსკოვი, რუსეთი), ნოდარ ლომინაძე (დილა გორი), დაჩი ლორდქიფანიძე (კრემონეზე, იტალია), გაბრიელ სიგუა (ბაზელი, შვეიცარია).
თავდამსხმელები: ვასილიოს გორდეზიანი (დინამო თბილისი), გიორგი კვერნაძე (ფროზინონე, იტალია), გიორგი აბუაშვილი (კოლხეთი ფოთი 1913), ლაშა ოდიშარია (რფს რიგა, ლატვია).
ბილეთები და პირდაპირი რეპორტაჟი
,,მინდა, გულშემატკივარს ვთხოვო, რომ მოედანზე მოვიდეს, მათი ძალა ევროპის ჩემპიონატზე გამოვცადეთ, მათი თანადგომა უმნიშვნელოვანესია", - საქართველოს 21-წლამდე ნაკრების მთავარმა მწვრთნელმა, რამაზ სვანაძემ გულშემატკივარს მატჩისწინა პრესკონფერენციაზე მიმართა.
15 ნოემბერს, საქართველოსა და ხორვატიის ნაკრებების მატჩი მიხეილ მესხზე 19:00 საათიდან დაიწყება. მატჩზე დასასწრები ბილეთები ხელმისაწვდომი TKT.GE-სა და მიხეილ მესხის ფიზიკურ სალაროებშია. ბილეთების საფასური: 10, 20 და 30 ლარს შეადგენს.
საქართველოსა და ხორვატიის 21-წლამდე ნაკრებების მატჩის პირდაპირი რეპორტაჟი დაგეგმილი საქართველოს პირველ არხზეა.
შენიშვნა: მასალა შეიცავს საქართველოს ფეხბურთის ფედერაციის ფოტოებს
