ქართული სანაკრებო ფეხბურთისთვის მიმდინარე თვე მჭიდრო და გადატვირთულია.
გამონაკლისი არც საქართველოს 17-წლამდე ნაკრებია, რომელიც სლოვენიაშია და 2025 წლის ევროპის ჩემპიონატების საკვალიფიკაციო რაუნდის მატჩებს მართავს.
გიორგი ჩიტაურის ნაკრებმა პირველი შეხვერდა მასპინძელი სლოვენიის წინააღმდეგ უკვე ჩაატარა და ანგარიშით - 2-1 დამარცხდა. საქართველოს 17-წლამდე ნაკრებიდან მეტოქეს 15 წლის ანდრია ბართიშვილმა ლამაზი გოლი, შორეული დარტმით გაუტანა.
გიორგი ჩიტაურის 20-კაციანი შემადგენლობა ასეთია:
მეკარეები: სანდრო კუპატაძე (35-ე სკოლა), საბა ასანიძე (ლოკომოტივი თბილისი);
მცველები: გლებ კატკოვ (ინტერის აკადემია), საბა ხარებაშვილი (დინამო თბილისი), ალეკო გეთიაშვილი (დინამო თბილისი), ნიკოლოზ ხუციშვილი (35-ე სკოლა), მათე შათირიშვილი (დინამო თბილისი), ლუკა კუპრავა (ტორპედო, ქუთაისი), ირაკლი კობახიძე (იბერია 1999);
ნახევარმცველები: ანდრია ქობულიძე (ლოკომოტივი თბილისი), ლუკა გელაძე (ლოკომოტივი თბილისი), გიორგი კობახიძე (ცსკა მოსკოვი), შოთა გვარჯალაძე (კოლხეთი ფოთი 1913), გიორგი ჯაბურია (დინამო თბილისი), ანდრია ბართიშვილი (დინამო თბილისი), კობა კაკაშვილი (დინამო თბილისი), შოთა დიაკონიძე (დინამო თბილისი);
თავდამსხმელები: რევაზ კირვალიძე (35-ე სკოლა), თენგიზ ნებულიშვილი (იბერია 1999) , რევაზ ჯიქია (35-ე სკოლა).
მასპინძელი სლოვენიის გარდა, საქართველოს 17-წლამდე ნაკრებს ჯგუფში პოლონეთი და სომხეთი ჰყავს. 12 ოქტომბერს, თბილისის დროით 17:30 საათიდან, ჩვენი გუნდი სწორედ პოლონეთს დაუპირისპირდება, რომელმაც საკვალიფიკაციო ეტაპის პირველ შეხვედრაში სომხეთი - 8-0 დაამარცხა. 15 ოქტომბერს კი სომხეთისა და საქართველოს 17-წლამდე ნაკრებების დაპირისპირება თბილისის დროით 14:00 საათიდანაა ჩანიშნული.
შენიშვნა: მასალაში გამოყენებულია საქართველოს ფეხბურთის ფედერაციის ფოტო