პირველი ნახევარი ნულოვანი ფრით დასრულდა, შეხვედრაში გასული სამივე გოლი კი მეორე ტაიმში ვიხილეთ - ჩვენი გუნდი აქტიური იყო, თუმცა მომენტების რეალიზაცია უჭირდა, შედეგად, ანდორამ ისარგებლა და შეხვედრაში ანგარიში 69-ე წუთზე გახსნა, რასაც 83-ე წუთზე ჯერ მაიკო ბებიას ზუსტად შესრულებული თერთმეტმეტრიანი მოჰყვა, ხოლო 87-ე წუთზე, წინ თეონა ბაქრაძის გოლით გავედით.
საქართველოს ქალთა ეროვნულ ნაკრებს საერთო სცენარის შესაცვლელად და გამარჯვებისთვის მხოლოდ 4 წუთი დასჭირდა.
საქართველოს ქალთა ეროვნულ ნაკრებს საერთო სცენარის შესაცვლელად და გამარჯვებისთვის მხოლოდ 4 წუთი დასჭირდა.
ირის ანტმანი (მთავარი მწვრთნელი): “ანდორა თავს კარგად იცავდა, თუმცა მიუხედავად ამისა, ბევრი საგოლე მომენტი შევქმენით და თამაშის დასრულება პირველ ტაიმშიც შეგვეძლო. შანსები ვერ გამოვიყენთ, თუმცა ეს გამოცდილებაა. ზოგჯერ დაცვიდან თამაში ჩვენ გვიწევს, ზოგ შემთხვევაში კი უფრო შემტევები უნდა ვიყოთ.
ვფიქრობ, ფეხბურთელებმა ხასიათი გამოავლინეს, როდესაც გაშვებული გოლის შემდეგ მეტოქეს ორი გოლით ვუპასუხეთ. იგივე გავაკეთეთ ლუქსემბურგის წინააღმდეგ. ასე, რომ ეს არ ყოფილა პირველი შემთხვევა, თუმცა ვიმედოვნებ, რომ ამის გაკეთება არც უკანასკნელად მოგვიწია და მომავალში, პირველები ჩვენ გავიტანთ, რაც გამარჯვების მოპოვებას გაამარტივებს”.
ჩვენს გუნდს შესარჩევი ციკლის მომდევნო მატჩი რამდენიმე დღეში, 25 თებერვალს, სტუმრად - კვიპროსში, თბილისის დროით 21:00 საათიდან ელის.
“ყველა მატჩი განსხვავებულია, კვიპროსი დამარცხებული გვყავს, თუმცა მათ ახალი მწვრთნელი და ფეხბურთელები ჰყავთ. ვიცით, რომ რთული თამაში იქნება, მაგრამ იმედი მაქვს, რომ მიზანს მივაღწევთ და სამ ქულას მოვიპოვებთ”.
შეგახსენებთ, რომ C ლიგა 6 ჯგუფისგან შედგება. B ლიგის საგზურს ჯგუფების გამარჯვებულები მოიპოვებენ. 2 საუკეთესო მეორეადგილოსანი დაწინაურების დამატებით შანსს მიიღებს და პლეი-ოფში B ლიგის მესამეადგილოსანს დაუპირისპირდება.
