ოფიციალურად: იან ზომერი, ფრანჩესკო აჩერბი, მატეო დარმიანი და სტეფან დე ვრაი ინტერის ფეხბურთელები აღარ არიან.
"ნერაძურიმ" აღნიშნული ინფორმაცია სულ რამდენიმე წუთის წინ ოფიციალური განცხადებით დაადასტურა. ოთხივე ფეხბურთელმა კლუბი კონტრაქტის ამოწურვის შემდეგ თავისუფალი აგენტის სტატუსით დატოვა.
ამ გადაწყვეტილებით ინტერში ახალი ეტაპი იწყება. მილანური კლუბი გუნდის გაახალგაზრდავებასა და შემადგენლობის განახლებაზე აქტიურად მუშაობს, ამიტომ მოსალოდნელია, რომ ზაფხულის სატრანსფერო ფანჯრის განმავლობაში კლუბი არაერთ ახალ მოთამაშეს დაიმატებს.
შეგახსენებთ, ინტერი დენზელ დუმფრისმაც დატოვა, რომელიც კარიერას რეალ მადრიდში გააგრძელებს. როგორც იწერება, ნიდერლანდელის ტრანსფერი უახლოეს დღეებში გაოფიციალურდება.
რაც შეეხება ახალ ტრანსფერებს, ალექსანდარ სტანკოვიჩი გუნდში უკვე დაბრუნდა, ხოლო რაც შეეხება მეკარის პოზიციას, მილანელებმა ივან პროვედელის დამატება მოახერხეს.
