როგორც ქართული ფეხბურთის გულშემატკივარმა უკვე იცის, ეროვნული ლიგის 2025 წლის სეზონი სტარტს 28 თებერვალს აიღებს, ხოლო ლიგა 2-8 მარტს განახლდება.
ბუნებრივია, სეზონის განახლების წინ, გუნდები შემადგენლობებს აძლიერებენ.
ბუნებრივია, სეზონის განახლების წინ, გუნდები შემადგენლობებს აძლიერებენ.
ჯერ-ჯერობით, გორის დილა სიახლეებს არ აანონსებს, თუმცა La Gazzetta Georgia აქამდეც გიყვებოდათ, რომ დილას ერთ-ერთი გამორჩეული ლეგიონერი, ტაირელ ვოუტერი ტოვებდა და რომ კლუბი ნიდერლანდელ შემტევ ნახევარმცველთან დაკავშირებით მოლაპარაკებებს აპოლონ ლიმასოლთან აწარმოებდა. ტრანსფერი დადასტურდა.
La Gazzetta Georgia-ს ინფორმაციით, დილა უკვე დატოვა: კოტ-დივუარელმა თავდამსხმელმა მუსა-ბაბა სანგარემ, გვინეელმა ნახევარმცველმა ალია ტურემ და მცველმა ისრაელიდან - ომერ იცხაკიმ.
La Gazzetta Georgia-ს ინფორმაციით, დილაში საქართველოს 17-წლამდე ნაკრების ნახევარმცველი, 2008 წლის 30 ივლისს დაბადებული გიორგი კობახიძე ვარჯიშობს. 16 წლის ფეხბურთელმა რუსთავთან ამხანაგურ მატჩში უკვე ითამაშა. კონტრაქტის გაფორმება დაგეგმილი შეკრების დასრულების შემდეგაა. უმაღლესი ლიგის გუნდამდე, ახალგაზრდა ფეხბურთელი ცსკა მოსკოვის 16-წლამდე შემადგენლობაში გამოდიოდა.
რამდენიმე თვის წინ, საქართველოს 17-წლამდე ნაკრების მთავარმა მწვრთნელმა, გიორგი ჩიტაურმა კობახიძე ნაკრებში გამოიძახა. ნახევარმცველმა საქართველოს 17-წლამდე ნაკრებთან ერთად 5 მატჩი (2 ამხანაგური) ჩაატარა, 1 გოლი გაიტანა და 1 საგოლე გადაცემა შეასრულა: ევროპის ჩემპიონატის საკვალიფიკაციო რაუნდში, სომხეთის წინააღმდეგ, მე-5 წუთზე ანდრია ბართიშვილის საგოლე გადაცემის შემდეგ გაიტანა, ხოლო 57-ე წუთზე ანდრია ბართიშვილს გაატანინა.
შეგახსენებთ, რომ ქართული ფეხბურთის გულშემატკივარი გორის დილას კონფერენს ლიგის საკვალიფიკაციო ეტაპზე იხილავს.
