თურქული გუნდი ქართველი ფორვარდის ტრანსფერზე დაახლოებით ორი კვირაა რაც მუშაობს. მას შემდეგ, რაც მაურო იკარდიმ მძიმე ტრავმა მიიღო, კლუბმა ახალი ფორვარდის დამატება გადაწყვიტა, მიქაუტაძე კი პირველივე დღიდან #1 სამიზნე იყო. გალათასარაის მთავარი მწვრთნელი ოქან ბურუქი ყველაფერს აკეთებს ფეხბურთელის დასამატებლად.
გალათასარაიმ 24 წლის ფორვარდის სანაცვლოდ უკვე ორი შეთავაზება გააკეთა, თუმცა როგორც ჩანს ფრანგებს ბევრად მეტის მიღება სურთ. უახლოეს დღეებში გაირკვევა, თურქები კიდევ გაზრდიან თუ არა შეთავაზებას.
