დადასტურებულად — დუშან ვლაჰოვიჩი იუვენტუსს თავისუფალი აგენტის სტატუსით დატოვებს! მიუხედავად იმისა, რომ ლუჩანო სპალეტის სერბი ფორვარდის შენარჩუნება სურდა, მხარეებმა ახალი კონტრაქტის პირობებზე შეთანხმებას ვერ მიაღწიეს. შესაბამისად, 4-წლიანი თანამშრომლობა დასრულდა და ვლაჰოვიჩი ახალ სეზონს ახალ გუნდში დაიწყებს.
ვლაჰოვიჩი იუვენტუსის ღირსებას 2022 წლიდან იცავდა. ამ პერიოდში სერბმა ფეხბურთელმა 168 მატჩი ჩაატარა, 68 გოლი გაიტანა და 16 საგოლე გადაცემაც მიითვალა.
26 წლის ფეხბურთელის მიმართ ინტერესს უკვე რამდენიმე ევროპული კლუბი იჩენს, თუმცა ამ ეტაპზე რაიმე კონკრეტულზე საუბარი გაგვიჭირდება. ზაფხულის სატრანსფერო ფანჯრის მიმდინარეობასთან ერთად, ვლაჰოვიჩის მომავალთან დაკავშირებით უფრო მეტი ინფორმაცია გახდება ცნობილი.
