მანჩესტერ სიტისა და ესპანეთის ეროვნული ნაკრების ვარსკვლავი, როდრი შესაძლოა ზაფხულის სატრანსფერო ფანჯრის ერთ-ერთი ყველაზე ხმაურიანი გარიგების მთავარი ფიგურა გახდეს. გავრცელებული ინფორმაციით, ესპანელ ფეხბურთელს რეალ მადრიდში გადასვლა დაუყოვნებლივ სურს, ხოლო თუ "სამეფო კლუბთან“ დაახლოებულ წყაროებს დავუჯერებთ, მადრიდელები მის ტრანსფერზე აქტიურად მუშაობას უახლოეს პერიოდში დაიწყებენ.
მანჩესტერ სიტის პოზიცია ცნობილია, კლუბს 30 წლის ფეხბურთელის გაყიდვა არ სურს, თუმცა თუ ეტიჰადის ბინადრები ესპანელის სანაცვლოდ სოლიდურ შეთავაზებას მიიღებენ, ისინი როდრის ტრანსფერს მწვანე შუქს აუნთებენ.
შეგახსენებთ, როდრის მანჩესტერ სიტისთან არსებული კონტრაქტი 2027 წლამდე აკავშირებს, "ქალაქელები" კი ფეხბურთელს ახალ, გაუმჯობესებულ ხელშეკრულებას სთავაზობენ. უახლოეს კვირებში ესპანელი ფეხბურთელის პოტენციურ ტრანსფერთან დაკავშირებით უფრო მეტი დაზუსტებული ინფორმაცია გახდება ცნობილი.
