არსენალში მომდევნო სეზონისთვის მზადებას აქტიურად აგრძელებენ. "მეთოფეები“ ზაფხულის სატრანსფერო ფანჯრის დახურვამდე მინიმუმ 2-3 ახალი მოთამაშის დამატებას კიდევ გეგმავენ, თუმცა ახლა პოტენციურ სამიზნეებზე არ ვისაუბრებთ, არამედ იმ ფეხბურთელების შესახებ მოგიყვებით, რომლებიც მიკელ არტეტას გეგმებში აღარ შედიან.
ითან ნვანერი, გაბრიელ მარტინელი და გაბრიელ ჟესუსი — არსენალმა ეს ფეხბურთელები ტრანსფერზე დააყენა და კლუბი მათ სანაცვლოდ ყველა შეთავაზებას განიხილავს. მეტიც, მიკელ არტეტამ ეს მოთამაშეები ქომუნითი შილდის ფინალში, მანჩესტერ სიტისთან შეხვედრაში, სამატჩო განაცხადში არ შეიყვანა, რაც ნათლად ადასტურებს კლუბის პოზიციას.
ზემოხსენებული ფეხბურთელების აგენტები პოტენციურ ტრანსფერებზე უკვე მუშაობენ, რაც იმას ნიშნავს, რომ უახლოეს დღეებში მათ შესახებ უფრო მეტი დაზუსტებული ინფორმაცია გახდება ცნობილი.
