ფინეთი - ინგლისის მატჩი 13 ოქტომბერს, თბილისის დროით 20:00 საათიდან, ფინეთის დედაქალაქის, ჰელსინკის ოლიმპიურ სტადიონზე შედგება, რომლის ტევადობაც 36 200-ია.
ინფორმაციისთვის გეტყვით, რომ B ლიგის II ჯგუფის ლიდერი 9 ქულით საბერძნეთია, 6 ქულა აქვს ინგლისს, 3 ქულა ირლანდიას, ხოლო ფინეთს - 0.
რაც შეეხება გიორგი ყრუაშვილის, 38 წლის ქართველ არბიტრს სანაკრებო მატჩების გარდა სხვადასხვა პრესტიჟულ საკლუბო ტურნირზე უმსაჯია, მათ შორის: ჩემპიონთა ლიგაზე, ევროპა ლიგაზე, კონფერენს ლიგასა და ახალგაზრდულ ჩემპიონთა ლიგაზე.
გიორგი ყრუაშვილი სამსაჯო კლასიფიკაციაში 2021 წელს დაწინაურდა და FIFA-ს პირველი კატეგორიის არბიტრებს შეუერთდა, რამაც მას უფლებას მისცა უმაღლესი დონის საფეხბურთო მატჩებზე ემუშავა.
გიორგი ყრუაშვილი ქართული ფეხბურთის ისტორიაში პირველი არბიტრია, რომელმაც FIFA-ს სამსაჯო კლასიფიკაციაში აღნიშნულ დონეს მიაღწია.
