La Gazzetta Georgia-ს ინფორმაციით, აპოლონ ლიმასოლი (კვიპროსი) და დენ ჰააგი (ნიდერლანდები) გორის დილასთან ტაირელ ვოუტერის ტრანსფერთან დაკავშირებით აქტიურ კონტაქტზე არიან. გადაწყვეტილია, რომ 22 წლის ნიდერლანდელი შემტევი ნახევარმცველისთვის ეროვნული ლიგის დასრულებული სეზონი ბოლო იყო.
როგორც La Gazzetta Georgia-სთვის გახდა ცნობილი, მოლაპარაკებებში აპოლონი განსაკუთრებით აქტიურობს, თუმცა ამ ეტაპისთვის საბოლოო შეთანხმება ჯერ კიდევ ვერ შედგა. ჩვენთვის ცნობილია ისიც, რომ ტრანსფერით გორის დილა ფინანსურ სარგებელს მიიღებს, თუმცა მეტი დეტალი ტრანსფერის დახურვის შემდეგ გვეცოდინება.
ეროვნული ლიგის 2024 წლის სეზონში ნიდერლანდელმა 35 მატჩში 19 გოლი გაიტანა და 6 საგოლე გადაცემა გააკეთა. 4 გოლით ჩამორჩა გათამაშების ბომბარდირს, ბიორნ იონსენს (ტორპედო ქუთაისი), თუმცა გოლს + ასისტი სისტემით, საუკეთესო იყო.
ტაირელ ვოუტერი დილას 2024 წლის იანვარში, ლიეტუვის მეორე ლიგიდან შეუერთდა.
