საინტერესოა, რომ ფეხბურთელს უკრაინულ გუნდში არც ისე დიდი სათამაშო დრო ჰქონდა. უკრაინის უმაღლეს ლიგაში 11 მატჩი ჩაატარა, სასტარტოდან მხოლოდ 2 შეხვედრა დაიწყო და გოლი არ გაუტანია, თუმცა ტრანსფერამდე, უკრაინული მედია აქტიურად წერდა, რომ ლიეტუველ ფეხბურთელში კოლოსმა კლუბის ისტორიაში რეკორდული თანხა - 300 000 ევრო გადაიხადა.
ეროვნული ლიგის 2024 წლის სეზონი დინამო ბათუმმა მე-4 ადგილით დაასრულა. მოსალოდნელია, რომ სეზონის განახლების წინ, ბათუმურ კლუბში არაერთი სიახლე იქნება, ვინაიდან, გუნდის ახალი მთავარი მწვრთნელი, გიორგი ჭიაბრიშვილი აჭარულ გუნდში სეზონის დასრულებამდე დაახლოებით თვენახევრით ადრე დაინიშნა და ცვლილებების განხორციელება ვერ მოასწრო.
