ბრიტანული პრესა საკმაოდ ხმაურიან ინფორმაციას ავრცელებს — როგორც ცნობილი ხდება, ტოტენჰემი ახლოსაა მანჩესტერ სიტიდან ორი ფეხბურთელის დამატებასთან. საუბარია სავინიოსა და ომარ მარმუშზე, რომლებიც მზად არიან კარიერა ლონდონურ კლუბში გააგრძელონ.
ტოტენჰემი სავინიოს ტრანსფერზე რომ მუშაობდა, ამის შესახებ რამდენიმე კვირის წინ გაცნობეთ, ხოლო რაც შეეხება მარმუშს, დე ძერბის ეგვიპტელი ფორვარდი ყოველთვის მოსწონდა და მას შემდეგ, რაც მანჩესტერ სიტიმ 27 წლის ფეხბურთელი ტრანსფერზე დააყენა, "დეზებმა“ მის ტრანსფერზე მუშაობა დაიწყეს.
თუ ზემოხსენებულ წყაროებს დავუჯერებთ, მხარეები შეთანხმებასთან ძალიან ახლოს არიან და დიდი შანსია, ორივე ფეხბურთელის ტრანსფერი უახლოეს დღეებში დაიხუროს.
შეგახსენებთ, ტოტენჰემმა მიმდინარე სატრანსფერო ფანჯრის პერიოდში მარტინ დუბრავკა, ენდი რობერტსონი, მარკოს სენესი, იან პოლ ვან ჰეკე, სანდრო ტონალი და მატეუშ ფერნანდეში უკვე დაიმატა, თუმცა ლონდონელები ამაზე გაჩერებას არ აპირებენ.
