მიმდინარე წელს, ფინიშთან მე-6 გათამაშება მივიდა. გადამწყვეტ მატჩში ტიტულისთვის ერთმანეთს ვალენსია და იუვენტუსი დაუპირისპირდნენ. შეხვედრა იტალიური გრანდის აკადემიამ მინიმალური სხვაობით, მეორე ტაიმში გატანილი ფაბიო ბადარაუს ერთადერთი გოლით მოიგო (0:1).
უნდა ითქვას, რომ დასრულებული გათამაშების ჯგუფურ ეტაპზე, ვალენსიასგან განსხვავებით, იუვენტუსი დამაჯერებელი ვერ იყო: დამარცხდა უოტფორდთან (4-1) და დინამო თბილისთან (3-1): 7 გოლი გაუშვა და მხოლოდ 2 ბურთის გატანა შეძლო. იუვენტუსმა თამაში ტურნირის ½ ფინალში იპოვა, როცა კვლავ დინამო თბილისს, დინამო არენაზე დაუპირისპირდა და უკეთესი ფეხბურთი აჩვენა. აღნიშნულ შეხვედრაში საქმე პენალტების სერიამდე მივიდა და ქართული გუნდი თასისთვის ბრძოლას გამოეთიშა.
დადებითი სიტყვები შეგვიძლია ვუთხრათ დინამო თბილისის აკადემიას, რომელმაც გამორჩეულად დასამახსოვრებელი მატჩები შემოგვთავაზა, თუმცა ცალკე უნდა გამოვყოთ მე-3 ადგილისთვის შეხვედრაც, რომელიც სხვა მატჩებისგან განსხვავებით, ხარისხით ვერ გამოირჩა. დინამო თბილისი უოტფორდის წინააღმდეგ მინიმალური სხვაობით დამარცხდა (0:1), როცა ჯგუფის მატჩში, ინგლისურ გუნდს დამაჯერებლად მოუგო და 3 უპასუხო გოლი გაუტანა (3:0).
დარასელიას თასის გათამაშებაში სულ 6 გუნდი მონაწილეობდა: დინამო თბილისი, თბილისის ლოკომოტივი, იუვენტუსი (იტალია), უოტფორდი (ინგლისი), ვალენსია (ესპანეთი) და გალათასარაი (თურქეთი).
ტურნირზე დაკავებული ადგილები:
მე-6 ადგილი: გალათასარაი (თურქეთი);
მე-5 ადგილი: ლოკომოტივი (თბილისი);
მე-4 ადგილი: დინამო (თბილისი);
მე-3 ადგილი: უოტფორდი (ინგლისი);
მე-2 ადგილი: ვალენსია (ესპანეთი);
დარასელიას თასის გათამაშებაში სულ 6 გუნდი მონაწილეობდა: დინამო თბილისი, თბილისის ლოკომოტივი, იუვენტუსი (იტალია), უოტფორდი (ინგლისი), ვალენსია (ესპანეთი) და გალათასარაი (თურქეთი).
ტურნირზე დაკავებული ადგილები:
მე-6 ადგილი: გალათასარაი (თურქეთი);
მე-5 ადგილი: ლოკომოტივი (თბილისი);
მე-4 ადგილი: დინამო (თბილისი);
მე-3 ადგილი: უოტფორდი (ინგლისი);
მე-2 ადგილი: ვალენსია (ესპანეთი);
თასის გადაცემის ცერემონიალამდე, პოზიციების მიხედვით გამორჩეულ ფეხბურთელებს სამახსოვრო პრიზები: დინამო თბილისის პრეზიდენტმა, რომან ფიფიამ, ძმებმა არველაძეებმა და ვლადიმერ გუცაევმა გადასცეს. ზარაფხანასა და ტურნირის ორგანიზატორი Sports Orient-ის თანამშრომლობით შექმნილი მედალი კი, რომელიც ლეგენდარული ვიტალი დარასელიას სახელს ატარებს, დარასელია თასი 2024-ის საუკეთესო ფეხბურთელმა, მარკ მარტინესმა მიიღო, რომელიც ვალენსიას წარმოადგენდა.
ვიტალი დარასელიას სახელობის საერთაშორისო ტურნირზე ტაიმი 35 წუთს გრძელდებოდა (გარდა ფინალისა, ტაიმი: 40 წუთი).
გათამაშების არსებობის განმავლობაში პირველად, მატჩები სრულად ბუნებრივსაფარიან მოედნებზე იმართებოდა: ილია კოკაიას სახელობის საფეხბურთო ცენტრსა და საგურამოში, ს.კ ლოკომოტივის საფეხბურთო ბაზაზე. ½ ეტაპის მატჩებისა და ფინალის მასპინძელი დინამო არენა იყო.
ტურნირის ფორმატი: გუნდები A და B ჯგუფში ნაწილდებიან, პირველადგილოსნები ნახევარფინალური ეტაპის საგზურს ავტომატურად მოიპოვებენ, მეორე და მესამე ადგილზე გასული გუნდები ჯვარედინული პრინციპით (A2-B3; B2-A) ერთმანეთს მეოთხედფინალში უპირისპირდებიან. მეოთხედფინალის გამარჯვებულები ბრძოლას თასისთვის განაგრძობენ, დამარცხებულები კი ერთმანეთს მე-5 ადგილისთვის მატჩში ხვდებიან. ჩატარდება მე-3 ადგილისთვის შეხვედრაც.
