რამაზ სვანაძე (21-წლამდე ნაკრების მთავარი მწვრთნელი): “ვიბრძოლეთ და მაქსიმუმი გავიღეთ. როცა ხორვატიის ნაკრები დაწინაურდა, მეტოქეს შესაბამისი რეაგირება შევთავაზეთ. ჩვენი პატივისცემა ჩვენს მეტოქეს, რომელიც შესანიშნავი გუნდია, თუმცა ვთვლი, რომ ამ 2 მატჩის გათვალისწინებით, ევროპის ჩემპიონატზე თამაში ჩვენ დავიმსახურეთ.
მთელი შესარჩევის მანძილზე, ჩემი ფეხბურთელების იმედი მქონდა, რადგან, ისინი ძალიან ნიჭიერები და არავისზე ნაკლებნი არ არიან. ეს შედეგი ერთიანობამ და პატრიოტიზმმა მოიტანა, რომელიც ჩვენში ასე ჭარბობს.
ახალგაზრდიული ნაკრების სპეციფიკა ესაა, თამაშიდან თამაშამდე ვიზრდებით. წინ ევროპის ჩემპიონატი გველის და ყველას გილოცავთ! ახლა ძალიან ბედნიერი ვარ”.
აქამდე, საქართველოს 21-წლამდე ნაკრებს მსგავსი მიღწევა არ ჰქონია, რადგან 2023 წელს, 21-წლამდე ნაკრებების ევროპის ჩემპიონატზე ჩვენი ნაკრები მასპინძლის სტატუსით მოხვდა.
ტურნირის დებულების მიხედვით, 2025 წლის ევროპის 21-წლამდე ნაკრებების ჩემპიონატზე, საკვალიფიკაციო რაუნდის ჯგუფური ეტაპიდან (მასპინძელი სლოვაკეთის გარდა) პირდაპირ მოხვდა 9 ჯგუფის გამარჯვებული ნაკრები და 3 საუკეთესო მეორეადგილოსანი, ხოლო დარჩენილი 6 მეორეადგილოსანი ნაკრები ერთმანეთს დაუპირისპირდა და 3 საგზური სწორედ ამ გზით გადანაწილდა.
ტურნირის დებულების მიხედვით, 2025 წლის ევროპის 21-წლამდე ნაკრებების ჩემპიონატზე, საკვალიფიკაციო რაუნდის ჯგუფური ეტაპიდან (მასპინძელი სლოვაკეთის გარდა) პირდაპირ მოხვდა 9 ჯგუფის გამარჯვებული ნაკრები და 3 საუკეთესო მეორეადგილოსანი, ხოლო დარჩენილი 6 მეორეადგილოსანი ნაკრები ერთმანეთს დაუპირისპირდა და 3 საგზური სწორედ ამ გზით გადანაწილდა.
21-წლამდე ნაკრებების ევროპის ჩემპიონატი 2025 წლის 11 ივნისიდან 28 ივნისის ჩათვლით, სლოვაკეთში გაიმართება.
შენიშვნა: მასალაში გამოყენებულია საქართველოს ფეხბურთის ფედერაციის ფოტო
