დადასტურებულად — ბარსელონა როდრის ტრანსფერისთვის ბრძოლაში ოფიციალურად ჩაერთო და ესპანელი ნახევარმცველის დამატებაზე აქტიურ მუშაობას იწყებს. კატალონიური კლუბი ფეხბურთელისთვის პირველ ოფიციალურ შეთავაზებას ამზადებს და უახლოეს პერიოდში მხარეებს შორის მოლაპარაკებები კიდევ უფრო ინტენსიური გახდება. თავად როდრი ბარსელონას პროექტით დაინტერესებულია და ამ ვარიანტს სერიოზულად განიხილავს.
მიუხედავად ამისა, ტრანსფერის ფავორიტად კვლავ რეალ მადრიდი მიიჩნევა, რომელიც ფეხბურთელის მიმართ ინტერესს ინარჩუნებს. თუმცა, ბარსელონა დანებებას არ აპირებს და ბოლომდე ეცდება ესპანელი ნახევარმცველის გადაბირებას. კლუბში სჯერათ, რომ სწორ პროექტსა და მოლაპარაკებების წარმატებით წარმართვის შემთხვევაში, გარიგების განხორციელების შანსი რეალურია.
წყაროს ინფორმაციით, როდრის მომავალი უახლოესი 7-10 დღის განმავლობაში უნდა გაირკვეს. სწორედ ამ პერიოდშია მოსალოდნელი გადამწყვეტი ნაბიჯები როგორც ბარსელონას, ისე რეალ მადრიდის მხრიდან, რის შემდეგაც საბოლოოდ გაირკვევა, თუ სად გააგრძელებს კარიერას ერთ-ერთი საუკეთესო ნახევარმცველი მსოფლიოში.
