შეთანხმება შედგა — ალეხანდრო გრიმალდო ლევერკუზენიდან კარიერას ატლეტიკო მადრიდში გააგრძელებს! გამოცდილი განაპირა მცველი სამედიცინო შემოწმებას უახლოეს საათებში გაივლის, რის შემდეგაც მადრიდულ კლუბთან 3-წლიან კონტრაქტს გააფორმებს. ატლეტიკო მადრიდი 30 წლის ფეხბურთელის სანაცვლოდ დაახლოებით €25 მილიონს გადაიხდის.
გრიმალდოს მიმართ ინტერესს არაერთი კლუბი იჩენდა, მათ შორის ბარსელონა და იუვენტუსიც, თუმცა დიდი კონკურენციის მიუხედავად, ესპანელის ტრანსფერის დახურვა სწორედ ატლეტიკომ შეძლო. ამ გარიგებაში მნიშვნელოვანი როლი ჩოლო სიმეონემაც ითამაშა, რომელმაც გრიმალდოს პირადად რამდენჯერმე ესაუბრა და მადრიდულ კლუბში გადასვლაზე დაიყოლია.
ალეხანდრო გრიმალდო ლევერკუზენის ერთ-ერთი ყველაზე მნიშვნელოვანი ფეხბურთელი იყო და გასულ სეზონებში გუნდის წარმატებაშიც დიდი წვლილი შეიტანა. ატლეტიკო მადრიდში იმედოვნებენ, რომ გამოცდილი ესპანელი მცველი გუნდს როგორც დაცვაში, ისე შეტევაში კიდევ უფრო გააძლიერებს.
