დადასტურებულად — ლუკა მოდრიჩი მილანში კიდევ ერთი სეზონით დარჩება! მხარეებს შორის წინასწარი სიტყვიერი შეთანხმება შედგა, ვეტერანი ნახევარმცველი ახალ 1-წლიან ხელშეკრულებას უახლოეს დღეებში გააფორმებს.
მას შემდეგ, რაც რუბენ ამორიმმა "როსონერი" ჩაიბარა, პორტუგალიელმა სპეციალისტმა ხორვატი ფეხბურთელის შენარჩუნება მოითხოვა. მეტიც, როგორც იწერება, ამორიმი მოდრიჩს არც მეტი, არც ნაკლები სამჯერ პირადად ესაუბრა და აუხსნა, რომ მისი გუნდში დარჩენა ახალი პროექტისთვის უმნიშვნელოვანესი იყო.
შეგახსენებთ, ლუკა მოდრიჩი მილანს 2025 წელს შეუერთდა. ამ პერიოდში ხორვატმა ფეხბურთელმა 37 მატჩი ჩაატარა, სადაც თავი 2 გატანილი გოლითა და 3 საგოლე გადაცემით გამოიჩინა.
