შეთანხმება შედგა — ანტონიო რიუდიგერი რეალ მადრიდში რჩება! გამოცდილმა გერმანელმა მცველმა და სამეფო კლუბმა ახალ ერთწლიან კონტრაქტზე შეთანხმებას მიაღწიეს, რაც იმას ნიშნავს, რომ ფეხბურთელი ზაფხულში გუნდს თავისუფალი აგენტის სტატუსით აღარ დატოვებს.
რეალ მადრიდი რიუდიგერის შენარჩუნებას რომ გეგმავდა, ამის შესახებ რამდენიმე თვის წინ უკვე გაცნობეთ. თავიდანვე გადაწყვეტილი იყო, რომ გუნდს დავიდ ალაბა და დანი კარვახალი დატოვებდნენ, თუმცა გერმანელი ცენტრალური მცველის შენარჩუნება კლუბის ერთ-ერთი მთავარი პრიორიტეტი იყო, რაც დღეს კიდევ ერთხელ დადასტურდა.
თუ ბოლო მომენტში რაიმე გაუთვალისწინებელი არ მოხდა, რიუდიგერი ახალ კონტრაქტს უახლოეს დღეებში ოფიციალურად გააფორმებს.
