მერაბ დვალიშვილის მწვრთნელმა, ჯონ ვუდმა თავისი შეგირდის მომდევნო მეტოქის შესახებ ისაუბრა. თუ არ მოხდა რაიმე გაუთვალისწინებელი, ქართველი მებრძოლის შემდეგი მოწინააღმდეგე კვლავ პიოტრ იანი იქნება. შეგახსენებთ, ეს მათი მე-3 ჩხუბი გამოვა.
"თუ იანის მხრიდან რაიმე არ შეიცვალა, დვალიშვილი მომდევნო ბრძოლას გამართავს კვლავ მასთან, სატიტულოს. რა თქმა უნდა, გადაწყვეტილი ოფიციალურად ჯერ არაფერია, მაგრამ ამ მომენტისთვის მერაბისა და პიოტრის ჩხუბის 99%-იანი ალბათობა არსებობს", - განაცხადა ამერიკელმა მწვრთნელმა.
შეგახსენებთ, რომ ქართველმა ყოფილმა ჩემპიონმა ქამარი სწორედ რუს მეტოქესთან დაკარგა. შონ ო'მალისთან, კორი სენდჰეგენსა და უმარ ნურმაგომედოვთან მოგების შემდეგ, "მანქანას" ჰქონდა 1 კალენდარულ წელიწადში ქამრის დაცვის მე-4 მცდელობა, რომელიც წარუმატებელი გამოდგა.
