მილანის მთავარმა მწვრთნელმა, მასიმილიანო ალეგრიმ ლიონელ მესისა და კრიშტიანუ რონალდუს მომავალზე ისაუბრა. მისი თქმით, არგენტინელ და პორტუგალიელ შემტევებს საფეხბურთო კარიერის დასრულების შემდეგ, დამრიგებლების ამპლუაში ვერ ვიხილავთ.
"მესიმ და რონალდუმ მიაღწიეს აბსოლუტურად ყველაფერს, როგორც მოედანზე, ისე მის ფარგლებს გარეთაც. ისინი მილიარდერები გახდნენ ჯერ კიდევ საფეხბურთო კარიერის დროს, რითაც სამუდამოდ შევიდნენ ისტორიაში, როგორც სპორტის, ისე ფინანსების. წარმოუდგენელ მწვერვალზე ავიდნენ.
აქედან გამომდინარე, ლიონელი და კრიშტიანუ სტანდარტული სამწვრთნელო კონტრაქტებით არ მოიხიბლებიან. მათ ეს უბრალოდ არ სჭირდებათ. ჩემი აზრით, არგენტინელი და პორტუგალიელი შემტევები გაყვებიან ბექჰემის გზას, რაც კლუბის ყიდვას გულისხმობს. მათ საამისოდ აქვთ საკმარისი ფულიც, გავლენაც და პოპულარობაც."
