დადასტურებულად — ანან ხალაილი ინტერში აღარ გადავა! როგორც ცნობილი ხდება, 21 წლის ფეხბურთელმა სამედიცინო შემოწმება ვერ გაიარა, რის გამოც მისი ტრანსფერი ჩაიშალა.
შეგახსენებთ, ინტერი და უნიონ სენ-ჟილი ხალაილის ტრანსფერზე გასულ კვირას შეთანხმდნენ, რის შემდეგაც ახალგაზრდა ფეხბურთელმა იტალიაში სამედიცინო შემოწმება გაიარა. როგორც გამოკვლევებმა აჩვენა, ხალაილის გულზე პრობლემები აღმოაჩნდა, რის გამოც "ნერაძურიმ“ გარიგება ჩაშალა.
ინტერი უკვე სხვა კანდიდატურებზე გადაერთო და უახლოეს დღეებში პოტენციურ მთავარ სამიზნეზე უფრო მეტი ინფორმაცია გავრცელდება.
