მას შემდეგ, რაც სენტ-ეტიენმა ლიგა 1-ის საგზური ვერ მოიპოვა, დადასტურდა, რომ ზურიკო დავითაშვილი გუნდს აუცილებლად დატოვებდა. გასულ კვირებში ქართველ ფეხბურთელს არაერთ კლუბს უკავშირებდნენ, თუმცა ამ მომენტისთვის 25 წლის ფეხბურთელი რომელიმე გუნდში გადასვლასთან ახლოს არაა.
რამდენიმე საათის წინ კი კიდევ ერთი კლუბის ინტერესის შესახებ დაიწერა. საქმეში ატალანტაც ჩაერთო და როგორც იწერება, მხარეებს შორის პირველი კონტაქტიც შედგა, სადაც პოტენციურ ტრანსფერზე ისაუბრეს. სენტ-ეტიენთან დაახლოებული წყაროს ინფორმაციით, ბერგამოელების ინტერესი რეალური და დადასტურებულია.
ამ მომენტისთვის კლუბებს შორის ტრანსფერზე მუშაობა არ დაწყებულა, თუმცა მოსალოდნელია, რომ უახლოეს დღეებში დავითაშვილი-ატალანტას თაობაზე უფრო მეტი ინფორმაცია გახდება ცნობილი.
შეგახსენებთ, ზურიკო დავითაშვილს სენტ-ეტიენთან არსებული კონტრაქტი 2028 წლამდე აკავშირებს, მისი სატრანსფერო ფასი კი დაახლოებით €15-18 მილიონია.
