2024 წლის ალექსანდრე ჩივაძის სახელობის პრიზის ოქროს მედლის მფლობელი დინამო თბილისის შემტევი საბა სამუშია გახდა, რომელიც ერთ-ერთი გამორჩეული ტალანტია.
როგორც ჩვენთვის არის ცნობილი, სამუშია კარიერას პორტუგალიურ რიუ ავეში გააგრძელებს. ყველაფერი გადაწყვეტილია და კლუბი ტრანსფერს უახლოეს საათებში გააოფიციალურებს.
სამუშიამ დინამო თბილისის ძირითად გუნდში 9 მატჩი ჩაატარა. გუნდის ცუდი შედეგის მიუხედავად, მან ახალგაზრდულ ჩემპიონთა ლიგაზე საოცარი სილამაზის გოლი გაიტანა.
შეგახსენებთ, რომ სამუშიას გარდა პორტუგალიის ჩემპიონატში ოთარ მამაგეიშვილი (ფამალისაო) და გიორგი აბურჯანია (ავს) თამაშობენ.